Çempionlar ligasynyň bäş gezek ýeňijisi Beýl “Los-Anjelese” geçer

  • 27.06.2022 16:44
  • 10k+

Uelsiň milli ýygyndysynyň hüjümçisi Garet Beýl karýerasyny Baş futbol ligasynyň (MLS) “Los-Anjeles” klubunda dowam etdirer. Bu barada The Athletic portaly habar berýär diýip, TASS belleýär.

Çeşmäniň maglumatlaryna görä, Beýl 18 aý uzaltmak mümkinçiligi bilen bir möwsümleýin şertnama baglaşar. Öň, “Los-Anjelese” Ýewropanyň häzirki çempiony italiýaly goragçy Jorjo Kýellini geçdi.
1-nji iýunda Beýl “Realdan” gidýändigini habar berdi.
Beýl 32 ýaşynda, ol 2013-nji ýylda Angliýanyň “Tottenhem” klubundan “Reala” geçdi, 2020-2021-möwsüminde kärendesine “Tottenhem” üçin oýnady. “Real” üçin Beýl 258 oýun geçirip, 106 gol girizdi we 67 netijeli geçirim etdi. Geçen möwsümde ol ýedi duşuşyga gatnaşyp, bir gol saldy. “Realyň” düzüminde Beýl Ispaniýanyň üç gezek çempiony, ýurduň Kubogynyň ýeňijisi we Super kubogynyň eýesi boldy. Şeýle-de, ol bäş gezek Çempionlar ligasynda, üç gezek UEFA-nyň Super kubogynda we üç gezek Klublaýyn dünýä çempionatynda ýeňiji boldy. “Tottenhemiň” düzüminde türgen Angliýanyň ligasynyň kubogyny aldy.
Beýl 2016-njy ýylda Uelsiň milli ýygyndysynyň düzüminde Ýewropanyň çempionatynyň ýarym finalyna ýetdi we ýaryşyň bürünç baýrakçysy boldy.
“Los-Anjeles” 15 duşuşykda 30 utuk gazanyp, MLS-iň Günbatar konferensiýasynyň turnir jedwelinde birinji orny eýeleýär. 


25.06.2025 16:41
14k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...

25.06.2025 12:04
5.6k+

«Lion» futbol klubuny maliýe hasabatlylygyny bozandygy üçin 2-nji Liga düşürdiler

Fransiýanyň Milli gözegçilik we dolandyryş direktoraty (DNCG) «Lion» futbol klubuny maliýe hasabatlarynda ýüze çykan düzgün bozmalary sebäpli 2-nji Liga düşürmek kararyna geldi. Bu barada Fransiýanyň Professional futbol ligasynyň resmi saýtynda habar berilýär...

21.06.2025 12:22
7.9k+

“Liwerpul” “Baýerden” Florian Wirsi satyn aldy: APL üçin rekord transfer

20-nji iýunda “Liwerpul” Germaniýanyň milli ýygyndysynyň ýarymgoragçysy Florian Wirsi Lewerkuzeniň “Baýerinden” satyn aldy. Transfermarkt portalynyň maglumatlaryna görä, transfer iňlis klubuna 125 mln ýewro düşdi, bu hem Premýer-liganyň taryhynda satyn alnan iň gymmat futbolçy boldy...

21.06.2025 12:08
9.5k+

APL “Mançester Sitä” yzygiderli gijä galmalary üçin uly möçberde jerime saldy

Angliýanyň Premýer-ligasy ýaryşyň oýunlary başlamak we dikeltmek bilen bagly düzgünlerini yzygiderli bozandygy üçin “Mançester Siti” klubuna jerime salynýandygyny habar berdi. APL-iň resmi saýtyndaky beýana görä, geçen möwsümde Hosep Gwardiolanyň topary meýdança dokuz gezek gijä galyp çykdy...