19-njy iýuna geçilen gijesi bitkoin 2020-nji ýylyň dekabryndan bäri ilkinji gezek 17,6 müň dollara çenli arzanlady. Aşgabat wagty bilen sagat 11:40-a çenli ýagdaýa görä, birinji kriptowalýuta 18,2 müň dollar derejesinde söwdalaşylýar, geçen gije-gündiziň içinde onuň nyrhy 10% düşdi. Aktiwiň soňky pese gaçmasy iki hepde mundan öň başlanypdy, şol aralykda onuň bahasy 43% arzanlady.
CoinGecko-nyň maglumatlaryna görä, gije-gündiziň dowamyndaky söwdalaşyklaryň möçberi 40 mlrd dollar bolanlygynda bitkoiniň kapitallaşdyrylmagy 349 mlrd dollara çenli kemeldi.
Kriptowalýutanyň bazardaky paýy 41% bolup durýar.
Bitkoin 2021-nji ýylyň noýabrynda kesgitlenen aňrybaş 69 müň dollar taryhy bahasyndan ep-esli pes nyrhdan söwdalaşylýar. Häzire çenli aktiw 74 % arzanlady. Geçen gije-gündiziň dowamynda iň iri altkoinler hem arzanlady. Ethereum-yň bahasy 11%, 955 dollara çenli peseldi, Binance Coin-iň nyrhy 9%, 192 dollara çenli düşdi. Bazaryň umumy kapitallaşdyrylmasy soňky 24 sagadyň dowamynda 8%, 852 mlrd dollara çenli pese düşdi.
