22-27-nji iýunda Maryda Medeniýet hepdeligi geçiriler

  • 13.06.2022 18:41
  • 10k+

Türkmenistanda Medeniýet hepdeligi şu ýylyň 22 — 27-nji iýunynda Mary welaýatynda geçiriler. Oňa görülýän taýýarlyk barada Hökümetiň 11-nji iýunda geçirilen sanly ulgam arkaly mejlisinde wise-premýer M.Mämmedowa hasabat berdi.

Medeni maksatnamanyň çäklerinde dürli çäreler, şol sanda maslahatlar, sungat ussatlarynyň konserti, çeper filmleriň görkezilişi, ýurdumyzyň kino sungatynyň wekilleri bilen döredijilik duşuşyklary, sebitiň taryhy-medeni ýadygärliklerine gezelençler, usulyýet okuwlary guralar. Medeniýet hepdeliginiň çäklerinde göçme maslahatlary, sanly ulgam arkaly halkara ylmy-usulyýet duşuşyklaryny guramak göz öňünde tutulýar.

Medeniýet we sungat işgärleriniň hem-de Magtymguly Pyragynyň şygryýet güni mynasybetli baý many-mazmunly, gyzykly çäreleri geçirmek meýilleşdirildi. Magtymguly adyndaky milli sazly drama teatrynda “Magtymguly” operasynyň görkezilişi bolar. Ýurdumyzyň welaýatlarynda we paýtagtymyzda Magtymguly Pyragynyň ýadygärliklerine gül goýmak dabaralaryny geçirmek göz öňünde tutulýar. Şunuň bilen baglylykda, wise-premýer döwlet Baştutanynyň garamagyna degişli meýilnamany hödürledi.


şu gün 08:58
397

Az-kem ýagyş ýagar: Türkmenistanda hepdelik howa maglumaty (15.09 - 21.09)

Türkmenistanyň Daşky gurşawy goramak ministrliginiň Gidrometeorologiýa baradaky gullugynyň ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda az-kem bulutly, hepdäniň başynda üýtgäp durýan bulutly howa bolup, az-kem ýagyş ýagar...

düýn 23:57
5.6k+

Aşgabatda döwrebaplaşdyrylan «Türkmenistanyň Garaşsyzlygynyň XV ýyllygy» seýilgähi açyldy

13-nji sentýabrda Aşgabatda döwrebaplaşdyrylan «Türkmenistanyň Garaşsyzlygynyň XV ýyllygy» seýilgähiniň açylyş dabarasy boldy. Bu döwrebap seýilgäh özüniň binagärlik çözgüdi bilen paýtagtymyzyň durmuş maksatly desgalary bilen bir bitewi sazlaşygy emele getirdi...

13.09.2025 17:49
4.1k+

Aşgabatda Türkmenistanda ilkinji kitaphananyň açylmagynyň 130 ýyllygy bellenilip geçildi

Aşgabatda ýurdumyzda ilkinji kitaphanasynyň döredilmeginiň 130 ýyllygy bellenildi. Dabara Türkmenistanyň Döwlet medeniýet merkeziniň Döwlet kitaphanasynda geçirilip, kitap muşdaklaryny, kitaphana işgärlerini we medeniýet işgärlerini jemledi...

13.09.2025 16:47
4.8k+

ABŞ-da 16,5 müň sözli iňlisçe–türkmençe sözlük neşir edildi

Amerikanyň Birleşen Ştatlarynda «Makul English-Turkmen Dictionary» atly kitap çap edildi. Neşir Türkmenistanyň Garaşsyzlygynyň 34 ýyllygyna we Bitaraplygyň 30 ýyllygyna bagyşlandy. Sözlük eýýäm Amazon platformasynda satyn almak üçin elýeterlidir...