New Shepard gämisi älem syýahatçylaryny alyp, suborbital uçuşy amala aşyrdy

  • 06.06.2022 01:18
  • 8.6k+

Blue Origin amerikan kompaniýasy şenbe güni alty syýahatçyny bortuna alyp, özüniň New Shepard älem gämisinde üstünlikli ýagdaýda nobatdaky suborbital uçuşyny geçirdi. Alnyp görkeziliş kompaniýanyň saýtynda berildi diýip, TASS habar berýär.

Kosmodromdan goýberiliş Wan-Horn şäheriniň (Tehas ştaty) töwereginde ýerli wagt bilen 08:26-da amala aşyryldy. Şondan soň älem gämisi 100 km töweregi belentlige galyp, ýolagçylar agramsyzlyk halyna düşdüler. Şonuň öňüsyrasy gämi soňra awtomatik düzgünde kosmodroma gelip gonan raketa-göterijiniň basgançagyndan bölünip aýryldy. Birnäçe minut geçensoň, New Shepard hem paraşýutlaryň kömegi bilen gonuşy amala aşyrdy. Uçuş, umumy  hasaplaňda, 10 minutdan sähel gowrak wagt dowam etdi.
Ilkibaşda älem gämisini 20-nji maýda uçurmak meýilleşdirilipdi, ýöne badalga berilmezinden iki gün öň Blue Origin-iň hünärmenleri ätiýaçdaky ulgamlaryň biriniň işinde näsazlygyň ýüze çykandygyny bildiler we ätiýajy elden bermezlik maksady bilen, uçuşy yza çekmäge mejbur boldular.


17.06.2025 17:31
11k+

Trampyň maşgalasy 499 dollara “altyn” smartfon çykarar we aragatnaşyk operatoryny işe girizer

Trump Organization holdingi Trump Mobile aragatnaşyk operatorynyň işe girizilýändigini we “kaşaň altyn görnüşde” T1 smartfonynyň çykarylýandygyny habar berdi. Bu barada The Verge belleýär. Aragatnaşyk operatory...

09.06.2025 19:57
9.7k+

Amerikan kompaniýasy penjiresiz hususy uçar konseptini görkezdi

«Otto Aviation» amerikan kompaniýasy illýuminatorlary (adaty ýolagçy penjireleri) bolmadyk «Phantom 3500» atly täze hususy uçarynyň taslamasyny görkezdi. «The War Zone» maglumat çeşmesiniň habar bermegine görä, gözýaş şekilli göwresi bolan bu uçar raýat maksatly taýýarlanan bolsa-da, harby ugurlar üçin hem peýdaly bolup biler...

06.06.2025 08:46
2.9k+

Amerikan attraksionlarynda emeli aň ornaşdyrylýar: tehnologiýalar dynç alşy nähili üýtgedýär?

Amerikan attraksion seýilgählerinde nobatlaryň azaldylmagy we myhmanlaryň wagtyny has ýakymly geçirmekleri üçin emeli aň tehnologiýalary işjeň ornaşdyrylýar. «Business Insider» neşiriniň maglumatlaryna görä, «Legoland», «SeaWorld» we «Disney» ýaly iri senagat ägirtleri eýýämden «Vision AI-dan» başlap, emosiýaly robotlara çenli onlarça çözgütleri ulanyp başladylar...

27.05.2025 12:19
12k+

ABŞ-da öýüň ýerzemininde 60 ýyllap uzynlygy bir kilometrden gowrak bolan demir ýol guruldy

Roki-Hill şäherçesinde (Nýu-Jersi, ABŞ) 60 ýyldan gowrak wagt bäri Pacific Southern Railway kluby - demirýol modellerini söýüjileriň jemgyýeti hereket edip gelýär. Bu döwrüň içinde olar uzak ýyllaryň dowamynda klubuň başlygy bolup gelýän Karlton Peýtiň öýüniň ýerzemininde uzynlygy bir kilometrden gowrak bolan göwrümli demir ýol modelini gurdular...