Irlandiýaly Konor Makgregor indi professional sportda iň ýokary hak alýan türgen däl. Forbes-iň maglumatlaryna görä, iki diwizionda UFC-niň öňki çempiony 2022-nji ýylyň iň ýokary girdeji alýan 50 türgeniniň arasynda 35-nji orny eýeleýär. Umumy alanyňda söweşijiniň gazanjy 43 mln dollar boldy: 33 mln dollary Dastin Porýe bilen söweşi üçin we ýene 10 mln dollary beýleki çeşmelerden gazandy diýip, allboxing.ru belleýär.
Bu geçen ýyl bilen deňeşdirilende ep-esli azalmadyr, sebäbi şol wagt Makgregor 180 mln dollar girdeji bilen türgenleriň arasynda birinji orny eýeleýärdi. Bu mukdar Proper No. Twelve-iň paýnamalarynyň gözegçilik bukjasynyň 150 mln dollara satylmagy bilen belli bir derejede baglanyşyklydyr.
2022-nji ýylda sanawy futbolçy Lionel Messi (130 mln dollar) we MBA-nyň oýunçysy Lebron Jeýms (121,2 mln dollar) açýar. Makgregor top-50-ä düşen garyşyk başa-baş söweşiň ýeke-täk söweşijisi, ýöne sanawda başga-da birnäçe tanymal boksçylar bar. Boks ýyldyzy Kanelo Alwares 90 mln dollar bilen 8-nji orny, super agyr agramda boks boýunça çempion Taýson Fýuri 62 mln dollar bilen 18-nji orny eýeledi. Boksçy karýerasyny üstünlikli ösdürýän Jeýk Pol bolsa 38 mln dollar girdeji bilen sanawda 46-njy orunda ýerleşdi.
