«UFC-niň iki agram derejesindäki öňki çempiony, meşhur irlandiýaly söweşiji Konor Makgregor özüne goýlan gadaganlyk möhletiniň tamamlanmagy netijesinde oktagona dolanmaga rugsat aldy» diýip, The Sun neşiri habar berýär.
Çetleşdirilme möhleti 20-nji martda resmi taýdan tamamlandy. Türgen 18 aýlyk bu temmini 2025-nji ýylyň oktýabr aýynda Combat Sports Anti-Doping guramasy tarapyndan, anti-doping düzgünlerini bozanlygy üçin alypdy.
Has takygy, ol mesele gadaganlyga baryp direýänçä özüni-de görkezdi. Adatça türgenleriň duýdansyz doping barlagyndan hem geçirilmesi bar. Makregor hem şeýle ýagdaýlaryň üçüsinde öz ýerleşýän ýeriniň nirededigine yşarat bermän, düzgüni bozdy.
Alnan maglumatlara görä, geçen hepde Makgregoryň wekilleri Las-Wegasda UFC-niň ýolbaşçylary bilen gepleşikler geçirdiler. Irlandiýaly söweşijiniň indiki söweşi 11-nji iýulda, UFC 330 turniriniň çäginde bolar diýlip garaşylýar.
Makgregoryň şu ýylyň tomsunda dolanyp gelmek niýetiniň bardygy hakynda öňem eşidilipdi. Ýöne onuň ady Ak tamda geçiriljek bolunýan ýaryşyň sanawynda welin ýok.
37 ýaşly söweşiji 2021-nji ýylyň iýul aýyndan bäri resmi söweşlere gatnaşmady. Ol şol gezek Jastin Porýe bilen bolan söweşde aýagyna agyr şikes ýetirip, tehniki nokaut bilen ýeňlipdi.
Konor Makgregor MMA-da 22 ýeňiş we 6 ýeňliş gazandy.
