Hytaýyň iň uly mikroprosessor öndürijisi Semiconductor Manufacturing International Corp (SMIC) ýarym geçirijileriň global ýetmezçiligi bilen baglylykda önüme bolan islegiň artmagy bilen birinji çärýekde rekord girdejini bellige aldy. Bu barada interfax.ru habar berýär.
Metbugat relizinde bellenilişi ýaly, ýanwar – mart aýlarynda girdeji $1,8 mlrd boldy, bu bolsa geçen çärýege garanyňda 16,6% we bir ýyl ozalkydan tas 67% ýokarydyr. Jemi tapawut geçen ýylyň dördünji çärýegindäki 35%-e we birinji çärýegindäki 22,7%-e garşy 40,7% boldy.
Ýanwar – mart aýlarynda jemi girdeji ýyllyk aňlatmasynda 200% ýokarlanyp, 750,3 mln dollara ýetdi. Dördünji çärýege garanyňda bu görkeziji 35,7% ýokarlandy.
SMIC-iň habarynda ABŞ-da “gara sanawa” girizilendigine garamazdan, geçen ýylyň onuň üçin “aýratyn” bolandygy aýdylýar. SMIC-iň çaklamasyna görä, ikinji çärýekde onuň girdejisi birinji çärýek bilen deňeşdirilende 1-3% ýokarlanar. Jemi tapawut bu çärýekde 37-39% bolar.
SMIC-iň paýnamalary anna güni Gonkongdaky söwdada 1,4% ýokarlandy. Şu ýylyň başyndan bäri olaryň bahasy 14,4% pese gaçdy.
