Disney öý mebellerini we harytlaryny öndürip başlady

  • 28.04.2022 11:09
  • 5k+

Mediakonglomerata öwrülen The Walt Disney Company öý mebellerini we harytlaryny çykarmak üçin täze Disney Home brendini işe girizdi. Bu barada Dezeen habar berýär.

Disney öý üçin mebelleri, interýer predmetlerini we harytlaryny, şol bir wagtyň özünde ýorgan-düşek daşlyklaryny, ýassyklary we halylary öndürmek bilen meşgullanar. Önümler kompaniýanyň meşhur gahrymanlaryna, şol sanda Mikki Mausa hem-de Marvel filminiň, Pixar kinostudiýasynyň we “Ýyldyz söweşijileri” mediafranşizasynyň gahrymanlaryna bagyşlanar. Kompaniýa hyzmatdaşlygy hem meýilleşdirýär, ýöne olaryň önümleri çäkli tiraž bilen çykar.

“Häzirki wagtda biziň öýlerimiziň has möhümligi sebäpli Disneýiň medeni wakalaryny gündelik durmuşa girizjek öý harytlarynyň täze brendini hödürlemek isledik” – diýip, kompaniýanyň wekili belleýär. 

2022-nji ýylyň fewral aýynda ABŞ-da Walt Disney Company-nyň ýaşaýyş ýerleriniň peýda boljakdygy belli boldy. Storyliving by Disney ady bilen toplumlar meşhur multfilmleriň iň gowy ýörelgelerine eýerilip gurlar.  


23.10.2025 18:09
17k+

Nýu-Ýorkda “millionerleriň köçesinde” 102 gatly bina ýumrulyp başlady

Ýakynda Nýu-Ýorkdaky Park-awenýuda gurlan 102 gatly ýaşaýyş jaýy ýumrulmak howpunyň astynda düşdi. The New York Times-yň maglumatlaryna görä, munuň güman edilýän sebäbi gurluşykda ulanylan betonyň düzüminiň üýtgedilmegi boldy...

14.10.2025 20:31
4.6k+

Amazon MGM Studios Melaniýa Tramp hakynda film taýýarlaýar

Amazon MGM Studios ABŞ-nyň birinji hanymy Melaniýa Tramp hakynda dokumental film taýýarlaýar diýip, Variety habar berýär. Filmiň çykjak senesi 2026-njy ýylyň 30-njy ýanwaryna meýilleşdirilýär. Filme “Dykyn wagty” («Час пик») atly gülküli boýewik bilen tanalýan režissýor Brett Ratner ýolbaşçylyk eder...

14.10.2025 13:11
8.3k+

Tehasda awtomobil ululygynda NASA-nyň enjamy gondy

Tehas amerikan ştatynda meýdana awtomobil ululygynda NASA-nyň abzally kosmos enjamy gondy. Ýerli ýaşaýjy Enn Uolter, takmynan, 10 metr diametrli paraşýutda ýuwaşlyk bilen aşak düşýän obýekti gördi diýip, ABC News habar berýär...

29.09.2025 14:43
8.5k+

«Ofis» teleserialynyň ýyldyzlary «Kim millioner bolmak isleýär?» gepleşiginde 1 mln dollar utdular

Meşhur «Ofis» sitkomynyň aktýorlary Keýt Flenneri we Oskar Nunýes «Kim millioner bolmak isleýär?» amerikan telegepleşiginde baş baýragy, ýagny 1 million dollar gazandylar. Olar bu puly haýyr-sahawat gaznalaryna ugratmagy meýilleşdirýärler...