Britaniýaly Taýson Fýuri watançaşy Dillian Uaýtdan üstün çykyp, Bütindünýä boks geňeşi (WBC) boýunça agyr agramda dünýäniň çempiony adyny gorap saklamagy başardy.
Şenbe güni Londonda «Uemblide» geçirilen duşuşyk altynjy raundda Fýuriniň nokaut etmegi bilen tamamlandy. Bu ýeňşi üçin ol karýerasynda rekord baýragy — 33 mln dollar gazandy.
Öň, Fýuri bu duşuşygyň karýerasynda iň soňky boljakdygyny yglan edipdi.
33 ýaşly Fýuri professional ringde 33 duşuşykda 32 ýeňiş gazandy (23-si nokaut bilen). 2018-nji ýylda Deonteý Uaýlder bilen geçirilen duşuşyk deňme-deňlikde tamamlandy.
