Hytaýyň BYD kompaniýasynyň arassa girdejisi birinji çärýekde 174%-300% ýokarlanyp biler

  • 21.04.2022 08:56
  • 5.2k+

Hytaýyň öňdebaryjy elektromobil öndürijii kompaniýasy BYD-yň arassa girdejisi şu ýylyň birinji çärýeginde 650 milliondan 950 million ýuana çenli bolup biler (101 milliondan 148 million dollara çenli). Kompaniýanyň degişli çaklamasy Şanhaýyň “Isaý global” habarlar çeşmesi tarapyndan neşir edildi.

Şeýlelik bilen, ýyllyk aňlatmada arassa girdejiniň görkezijisi 174%-300% ýokarlanyp biler. Birinji çärýekde oňyn dinamika ykdysadyýetdäki pese gaçyşyň netijelerine, koronawirus bilen bagly çäklendirmelere we çig mal üçin bahalaryň ýokarlanmagyna garamazdan, satuw möçberiniň rekord ösüşi we bazarda BYD-yň paýynyň artmagy sebäp boldy.

Resmi maglumatlara görä, mart aýynda BYD-yň alternatiw energiýa çeşmelerinde işleýän awtomobilleriniň satuw möçberi ýyllyk aňlatmasynda 333% ýokarlandy we 104,9 müň birlige barabar boldy. Birinji çärýegiň jemi boýunça bu görkeziji 286,3 müň awtomobile ýetdi, bu bolsa 2021-nji ýylyň degişli döwrüne garanyňda 423% köpdür.

Mart aýynyň ahyrynda BYD 2021-nji ýyl üçin maliýe görkezijileri barada hasabat berdi. Resmi maglumatlara görä, kompaniýanyň girdejisi ýyllyk aňlatmasynda 38,02% ýokarlanyp, 216,1 mlrd ýuan (takmynan, $33,9 mlrd) boldy. Paýdarlara degişli arassa girdeji geçen ýyl 2020-nji ýyl bilen deňeşdirilende pes boldy – 3,04 mlrd ýuan ($477,9 mln). Degişli görkeziji 28,08% pese gaçdy.

Soňky ýyllarda kompaniýa alternatiw energiýa çeşmelerinde işleýän awtoulaglaryň satuw möçberi boýunça oňyn ösüşi görkezýär. 2021-nji ýylda olar 231,6% ýokarlanyp, 593,7 müň birlik boldy.


22.06.2025 11:33
4.1k+

Labubu öndürijisi hytaý gazetindäki ýiti tankyt sebäpli $4 mlrd ýitirdi

Meşhur Labubu oýnawaçlaryny çykarýan Pop Mart kompaniýasynyň eýesi “Ženmin žibao” gazetindäki ýiti tankytdan soň tas 4 mlrd dollar ýitirdi. Kompaniýanyň paýnamalary Gonkong biržasynda birden arzanlady diýip, South China Morning Post habar berýär...

16.06.2025 14:17
4.4k+

Labubu oýnawaçlarynyň üstünligi Pop Mart-yň eýesini iň baý hytaýlylaryň birine öwürdi

Labubu oýnawaçlarynyň meşhurlygy Pop Mart kompaniýasynyň eýesi Wan Nini Hytaýyň iň baý on adamynyň birine öwürdi. Forbes-iň maglumatlaryna görä, häzir onuň baýlygy 22,7 mlrd dollara barabar. Oýnawaçlara bolan isleg kompaniýanyň paýnamalarynyň bahasynyň 34 dollardan 270 dollara çenli ýokarlanmagyna getirdi...

19.04.2025 23:05
7.2k+

Apple Hytaýyň smartfon bazarynda bäşinji orna düşdi

2025-nji ýylyň birinji çärýeginde Hytaýda smartfon bazary 3,3% ösüp, 71,6 mln smartfona ýetdi. IDC-niň maglumatlaryna görä, ösüşe 810 dollara çenli bahadaky smartfonlar üçin döwlet ýeňillikleri we Hytaý Täze ýylynyň baýram edilen döwründe möwsümleýin isleg ýardam etdi...

06.04.2025 13:05
6.8k+

Counterpoint: “Mask Tesla-nyň derwezesine awtogol geçirdi. BYD-yň üstünligi bilen onuň satuwy peselýär”

BYD yzygider ikinji çärýek elektromobil satuwy boýunça dünýäde birinji orny eýeleýär. Hytaý öndürijisi ozal üýtgewsiz agdyklyk eden amerikan bäsdeşi Tesla-ny gysyp çykarmagyny dowam etdirýär. Counterpoint Research...