Hyundai we Kia ulaglarynyň motor ýagyny aşa köp harçlamasyndan nägile bolan awtoulag eýeleri Kaliforniýada (ABŞ) okrug kazyýetine köpçülikleýin arza berdiler diýip, Carcomplaints.com habar berýär.
Nägilelikler Nu, Gamma, Theta, Lambda we Kappa hereketlendirijileri oturdylan Hyundai we Kia awtoulaglaryna degişli. Ýagy aşa köp sarp edýändigi bilen bagly, arzaçylar Hyundai bilen Kianyň 2009-2022 ýyllar aralygynda goýberilen 20 modelini, kemciligi düzetmek ücin, yzyna almak işini geçirmegi talap edýärler. Olaryň hatarynda esasan, Hyundai Sonata we Santa Fe, Palisade, Veloster, Kia Sportage, K5, Stinger we Soul ulaglary bar. Awtoulag eýeleriniň Hyundai kompaniýasynyň üstünden ýazan arzalarynda ýagyň mukdaryny adatdakysyndan ýygy barlamaly bolýandyklaryny, üstüni dolanda hem ulanmak boýunça gözükdirmede görkezileninden köp ýag guýmaly bolýandyklaryny tassyklaýarlar.
