Garyşyk söweş stiliniň russiýaly pälwany Wadim Nemkow amerikaly Kori Andersona garşy gaýtadan başa-baş söweşe çykar. Bu barada metbugat konferensiýasynda Bellatoryň prezidenti Skott Koker habar berdi.
"Bu tutluşygyň netijesi biziň keýpimizi gaçyrdy. Men oňa ýene üç-dört aýdan dolanyp gelmekçi" diýip, ol aýtdy.
Kokeriň sözlerine görä, pälwanlaryň ikisiniň hem saglyklary gowy bolup dursa, olaryň gaýtadan tutluşygy tomsuň ahyrynda guralar.
Nemkow bilen Andersonyň tutluşygy 16-njy aprelde ir säher San-Hosede (ABŞ, Kaliforniýa ştaty) Bellatoryň Baş baýragy ugrundaky finalyň çäklerinde geçdi we üçünji tapgyrda amerikaly pälwanyň kellesi bilen russiýalynyň gaşyny çapany üçin, geçmedik diýip hasap edildi. Tutluşykdan soň, Nemkowy hassahana ýerleşdirdiler.
