«Forbes» iň ýaş milliarderleriň gazançlaryny mälim etdi

  • 11.04.2022 17:09
  • 19k+

«Forbes» žurnaly 2022-nji ýylda iň ýaş milliarderleriň gazançlaryny mälim etdi. Olaryň umumy baýlygy 25,8 mlrd dollara ýetdi. Bu barada lenta.ru salgylanyp, Day.Az habar berýär.

30 ýaşdan kiçi milliarderleriň reýtinginde 12 adam bolup, olardan dördüsi özbaşdak gazanç eden täze milliarderlerdir. Şeýlelikde, sanawda birinji orny Sem Benkman-Frid bilen bilelikde FTX kriptowalýuta biržasyny esaslandyran 29 ýaşly amerikaly Geri Wan ($5,9 mlrd) eýeledi. Bu birža 2019-njy ýyldan bäri işleýär, onuň her günde tranzaksiýa göwrümi 15 mlrd dollara ýetip bilýär.

Ikinji orunda Bolt onlaýn tölegi üçin serwis döretmek maksady bilen Stenford uniwersitetini terk eden 27 ýaşly Raýan Breslou ýerleşdi. Onuň baýlygy 2 mlrd dollar bilen bahalandyrylýar. Üçünji orunda her biri 1,5 mlrd dollara eýe bolan Pedro Françeski hem-de Enrike Duburgas bar. Olar häzirki wagtda 12,3 mlrd dollar bilen bahalandyrylýan Brex kredit kartoçkasyny çykarmak boýunça kompaniýany işe girizdiler. 

12 milliarderden bäşisi öz emlägini miras aldy, ýedisi özbaşdak biznesi ösdürdiler. 30 ýaşdan kiçi milliarderleriň geçen ýylky reýtinginde 10 adam bardy, ýöne olaryň umumy baýlygy 2022-nji ýyldaky toparyň baýlygyndan 3,7 mlrd dollar köpdi. “Forbesiň” dünýäniň iň baý adamlarynyň umumy sanawynda ilkinji gezek Tesla we SpaceX kompaniýalaryny esaslandyryjy Ilon Mask birinji orny eýeledi. 11-nji marta çenli onuň baýlygy 219 mlrd dollar boldy. 


08.06.2025 21:03
7.2k+

Forbes dünýäniň iň baý zenanlarynyň reýtingini hödürledi

“Forbes” amerikan žurnaly dünýäniň iň baý zenanlarynyň ýyllyk reýtingini hödürledi. Reýtingde birinji orny telekeçi Diana Hendriks – ABC Supply gurluşyk kompaniýasynyň eýesi eýeledi. Onuň baýlygy 22,3 mlrd dollar diýlip hasaplanýar...

04.04.2025 11:28
6.9k+

Forbes: ilkinji gezek birbada 3 milliarderiň baýlygy 200 mlrd dollardan geçdi

Forbes neşiri dünýäniň iň baý adamlarynyň täzelenen reýtingini hödürledi. Sanawyň taryhynda ilkinji gezek birbada üç adamyň baýlygy 200 mlrd dollardan geçdi. Birinji orny Tesla, SpaceX we ýakynda döredilen XAI...

02.04.2025 23:54
12k+

Forbes sanawynda iň ýaş milliarder – 19 ýaşynda, iň ýaşuly – 103 ýaşynda

Forbes žurnaly tarapyndan düzülen dünýäniň iň baý adamlarynyň reýtinginde iň ýaş milliarder 19 ýaşly Ýohannes fon Baumbahdyr. Ol dünýäde iň uly kompaniýalaryň biri bolan Germaniýanyň Boehringer Ingelheim farmasewtika...

05.10.2024 17:34
14k+

Sukerberg Bezosdan öňe geçip, Bloomberg-den iň baý adamlaryň reýtinginde ikinji orny eýeledi

Meta kompaniýasynyň ýolbaşçysy Mark Sukerberg Bloomberg-iň hasaby boýunça dünýäniň iň baý adamlarynyň sanawynda ikinji orny eýeledi. Ol Amazon-yň esaslandyryjysy Jeff Bezosdan 1 mlrd dollar tapawut bilen öňe geçdi...