EYR-nyň Prezidenti Ebrahim Raisi parahatçylyk maksatly atom pudagynda geçirilýän barlaglaryň işjeňleşýändigini mälim etdi.
EYR-nyň Prezidentiniň diwanynyň berýän habaryna laýyklykda, Raisi Eýranyň Atom energiýasy boýunça guramasy tarapyndan Milli ýadro tehnologiýasy güni mynasybetli guralan sergä gatnaşdy.
Eýranyň Atom energiýasy boýunça guramasynyň başlygy Muhammed Islami hem-de ylym we tehnologiýa boýunça wise-prezident Sorena Sattari prezidenti atom pudagynda gazanylanlar bilen tanyşdyrdylar.
Raisi öz çykyşynda Eýranyň ýadro pudagyndaky barlaglarda ep-esli ösüşleri gazanandygyny mälim etdi. "Ýadro energiýasyny parahatçylykly maksatlar üçin ulanmak pudagynda alymlaryň barlaglarynyň depgini artdy we hökümet bu işi goldar" diýip, ol aýtdy.
Eýranyň Atom energiýasy boýunça guramasy hem öz gezeginde Huzestan welaýatynyň Darhowin şäherindäki atom elektrostansiýasynda 360 müň megawatt elektroenergiýany öndürmek boýunça taslamanyň önümçilige ornaşdyrylýandygyny yglan etdi.
