Polşaly tennisçi Swýontek yzly-yzyna üçünji ýaryşy utdy

  • 04.04.2022 00:07
  • 3.4k+

Polşanyň wekili Iga Swýontek Maýamide Zenanlaryň tennis assosiasiýasynyň (WTA) turniriniň finalynda ýaponiýaly Naomi Osakadan üstün çykdy.

Duşuşyk 6:4, 6:0 hasap bilen turnirde saýlantgy topardaky ikinji belgili Swýontegiň peýdasyna tamamlandy. Polşaly tennisçi yzly-yzyna 17-nji oýny utdy we üçünji turnirde yzly-yzyna titul gazandy. Owal Swýontek Dohadaky we Indian-Uellsdäki ýaryşlarda ýeňiş gazanypdy.
Swýontek 20 ýaşynda, onuň WTA-nyň penakärliginde gazanan alty tituly bar, ol 2020-nji ýylda geçen Fransiýanyň Açyk çempionatynyň ýeňijisi. 4-nji aprelde Swýontek dünýäniň birinji raketkasy bolar, sebäbi 23-nji martda dünýä reýtinginiň häzirki lideri we 2021-nji ýylda Maýamide geçen turniriň çempiony awstraliýaly Eşli Barti karýerasyny tamamlaýandygyny mälim etdi.
Osaka 24 ýaşynda, ol öň dünýäniň birinji raketkasy bolupdy. Häzirki wagtda ýapon gyzy WTA-nyň reýtinginde 77-nji setiri eýeleýär. Osakanyň hasabynda guramanyň penakärliginde gazanan ýedi tituly bar, ol Uly tuwalganyň dört turniriniň çempiony hasaplanýar.
Maýamidäki turnir WTA 1 000 kategoriýasyna degişli, onuň baýrak gaznasy 8,3 mln dollardan ybarat.


26.08.2025 11:00
4.7k+

Forbes 2025-nji ýylda dünýäniň iň baý tennisçilerini atlandyrdy

Forbes žurnaly 2025-nji ýylda dünýäniň iň baý tennisçileriniň reýtingini hödürledi. Sanawda birinji orny ýylda 48,3 mln dollar girdeji bilen ispaniýaly Karlos Alkaras eýeledi. Ikinji orunda 47,3 mln dollar bilen italiýaly Ýannik Sinner ýerleşdi...

25.08.2025 12:20
4.8k+

13 ýaşly tennisçi Tailandda geçen halkara ýaryşda Türkmenistana iki sany altyn medal getirdi

Tailand Patyşalygynyň Uly Bangkok sebitine degişli bolan Nonthaburi welaýatynda 14 ýaşa çenli ýetginjekleriň arasynda Aziýanyň Tennis federasiýasynyň (ATF) guramagynda halkara tennis ýaryşy geçirildi. Ýaryşda üstünlikli çykyş eden türkmen türgenleri üç görnüş boýunça altyn, bir görnüşde bolsa bürünç medal gazandylar...

20.08.2025 08:40
4k+

24 ýaşda 24-nji ýeňiş: Iga Swýontek Sinsinnatidäki WTA 1000 ýaryşynyň ýeňijisi boldy

Polşaly tennisçi Iga Swýontek Sinsinnatidäki (ABŞ) WTA 1000 tennis ýaryşynyň finalynda ýeňiş gazandy. Finalda ol italiýaly Žasmin Paolinini 7:5, 6:4 hasabynda utdy. Oýun 1 sagat 49 minut dowam etdi. Oýnuň başynda Swýontek 0:3 hasabynda utulyp gelýärdi, ol garşydaşynyň oýnuň dowamynda dört breýk etmegine ýol berdi, ýöne soň oýny öz peýdasyna öwürmegi başardy...

16.08.2025 19:04
3.9k+

Türkmen tennisçileri Tailandda geçirilen ýaryşda üç altyn we bir bürünç medal gazandylar

Türkmen türgenleri 14 ýaşa çenli tennisçileriň halkara ýaryşynda üç altyn we bir bürünç medaly gazandylar. Ýaryşlar Tailandyň Nontaburi welaýatynda (Beýik Bankok) Aziýanyň Tennis Federasiýasynyň (ATF) guramagynda geçirildi...