Halkara türki medeniýetiniň guramasy (TÜRKSOÝ) Şuşa şäherini türki dünýäsiniň medeni paýtagty diýip yglan etdi. Degişli karar Bursada geçirilen guramanyň hemişelik geňeşiniň nobatdan daşary mejlisinde kabul edildi. Bu barada Azerbaýjanyň döwlet habarlar agentligi AzerTaj habar berýär diýip, TASS belleýär.
TÜRKSOÝ türki dilli ýurtlary birleşdirýän medeni guramadyr. Guramanyň esasy maksady türki halklaryň umumy maddy we medeni ýadygärliklerini gorap saklamak, ösdürmek we geljekki nesillere geçirmek üçin türki halklaryň arasyndaky hyzmatdaşlykdan ybarat. Türki medeniýetini we sungatyny bilelikde ösdürmek boýunça gurama 1993-nji ýylyň 12-nji iýulynda Alma-Ata şäherinde döredildi, onuň düzümine garaşsyz döwletleri, federal subýektleri ýa-da üçünji ýurtlaryň awtonom sebitlerini öz içine alýan 14 agza girýär.
