Ermenistanyň bäşinji prezidenti Waagn Haçaturýan Halk ýygnagynyň ýörite mejlisiniň dowamynda kasam kabul etdi we wezipesine girişdi. Bu barada TASS habar berýär.
Dessuryň gidişinde döwletiň täze baştutany elini Ermenistanyň konstitusiýasynyň we VII asyryň Injili "Wehamor Awetaranyň" üstüne goýup, kasam kabul etdi.
3-nji martda Ermenistanyň mejlisi ikinji tapgyrda Haçaturýany respublikanyň täze prezidentligine saýlady. Onuň kandidaturasyna 71 deputat ses berdi, olaryň ählisem häkimlik edýän "Raýat şertnamasy" fraksiýasynyň wekilleridir. Ermenistanyň öňki prezidenti Armen Sarkisýan 23 ýanwarda özüniň otstawka gidýändigini yglan edipdi.
