Günorta Koreýanyň Samsung kompaniýasy basym Galaxy A53 5G smartfony bilen müşderilerini tanyşdyrar, ol geçen ýylyň iň geçginli bolan smartfonlarynyň nobatdaky wekili bolar.
Ilkibada smartfony italýan onlaýn dükanyna öňünden edilen sargyt esasynda alyp bolýardy, şeýle-de, täze harydy 350 ýewrodan Serbiýanyň onlaýn dükany satmaga başlapdy.
Samsung Galaxy A53-iň Full HD+ (1080 x 2400 piksel) razreşeniýeli 6,46 dýumly displeý bilen enjamlaşdyryljagy eýýämden mälim.
Mundan başga-da, onuň selfi-kamera üçin merkezde oýtak ýeri bolar. Sag tarapda energiýa düwmesi we sesini sazlaýjy düwme ýerleşer. Esasy kamerasynda dört modul bolar.
Samsung Galaxy A53 6/8 GB operatiw ýat, şeýle-de, 128 GB ýa-da 256 GB fleş-ýat bilen üpjün ediler. Mundan hem başga, telefon microSD kart ýadynyň kömegi bilen 1 TB-a çenli ýat giňeltmesini göterer. Esasy kameranyň razreşeniýesi - 64 Mp, frontal - 12 Mp.
Samsung Galaxy A53 iki reňkde goýberiler: ak we gök. Telefonyň ölçegleri - 159,5 x 74,7 x 8,1 mm, agramy - 190 gramm. Ol UI 4.0. daşly Android 12 operasion ulgamyň dolandyrmagynda işlär.
