76,2 kg çenli agram kategoriýasynda boks boýunça absolýut dünýä çempiony meksikaly Saul Alwares 79,38 kg çenli agram kategoriýasynda Bütindünýä boks assosiasiýasynyň (WBA) wersiýasyna görä dünýäniň super çempiony russiýaly Dmitriý Biwola garşy söweşer. Bu barada DAZN akym hyzmatynyň metbugat gullugy habar berýär diýip, TASS belleýär.
Söweş 7-nji maýda geçiriler.
Alwares 31 ýaşynda, ol 2021-nji ýylyň 7-nji noýabrynda 11-nji raundda nokaut bilen amerikaly Kaleb Planty ýeňenden soň, absolýut dünýä çempiony boldy. Onuň hasabynda 57 ýeňiş (39-sy nokaut bilen), bir ýeňliş we iki deňme-deňlik bar.
Biwol 31 ýaşynda, 21-nji dekabrda ol emin agzalarynyň biragyzdan karar bermegi bilen watandaşy Umar Salamowy ýeňip, dünýäniň super çempiony titulyny gorady. Russiýaly boksçynyň hasabynda 19 ýeňiş (11-si nokaut bilen) bolup, ýekeje-de ýeňlişi ýokdur.
