Sotheby’s auksionynda ady mälim edilmedik satyjy agramy 555,55 karat bolan gara almaz “Enigmany” 4,3 mln dollara satyn aldy we onuň üçin kriptowalýuta bilen töleg geçirdi diýip, BBC News habar berýär.
Sotheby’s öýünde auksionyň ýeňijisiniň ady atlandyrylmady, ýöne söwdadan soň meşhur kriptowalýuta söýüjisi, işewür Riçard Hart twitterde almazy özüniň satyn alandygyny aýdyp, wideo ýüzlenmesini ýerleşdirdi.
“Enigmany” satuwa çykarmak kararyna gelen adamda bu almaz, takmynan, 20 ýyl saklandy we şu wagta çenli hiç ýerde görkezilmedi.
“Enigma” agramy boýunça banan bilen deňeşdirip boljak almaz bolup, ol seýrek duş gelýän “karbonado” görnüşine degişlidir diýip, BBC belleýär. Häli-häzire çenli olar Braziliýada we Merkezi Afrikada örän seýrek tapyldy. Olaryň düzüminde diňe meteoritlerde diýen ýaly duş gelýän osbornit mineralynyň barlygy üçin olaryň kosmiki gelip çykyşy barada garaýyşlar hem bar. BBC-niň bellemegine görä, gara almazlar Ýeriň ýüzünde 2,6 – 3,2 mlrd ýyl mundan öň, dinozawrlaryň döremeginden ozal peýda bolupdyr diýlip hasaplanylýar.
