Türkmenistanyň Prezidenti, şol bir wagtda Ministrler Kabinetiniň Başlygy, Döwlet Howpsuzlyk geňeşiniň Başlygy, Ýaragly Güýçleriniň Belent Serkerdebaşysy we Milli Geňeşiň Halk Maslahatynyň Başlygy wezipelerini ýerine ýetirýän Gurbanguly Berdimuhamedow toplan uly durmuş we syýasy tejribesini mundan beýläk Halk Maslahatynyň Başlygy hökmünde bu ugra gönükdirmegi maksat edinýär.
Bu barada döwlet Baştutany anna güni Aşgabatda geçirilen Halk Maslahatynyň nobatdan daşary mejlisinde yglan etdi diýip, «Watan» habarlar gepleşiginde habar berildi.
Bu karara Gurbanguly Berdimuhamedow ýurdumyzy ösdürmegiň täze tapgyrynda Türkmenistanyň döwlet dolandyryşynyň ýaş ýolbaşçylara ynanylmagyndan ugur alyp gelendigini belledi. Türkmen Lideriniň çykyşynda belleýşi ýaly, ýaşlar häzirki zamanyň ruhy şertlerinde, ýokary talaplaryna laýyklykda, terbiýelenmelidir.
Türkmenistanyň Prezidenti öz çykyşynda döwlet Baştutany wezipesini eýýäm 15 ýyldan bäri ýerine ýetirip gelýändigini belledi.
