2022-nji ýylda dört tutulma – iki Gün we iki Aý tutulmasy bolup geçer. Bu barada SputnikKazahstan-yň habarçysyna Manaş Kozybaýew adyndaky Demirgazyk Gazagystan uniwersitetiniň professory Andreý Solodownik gürrüň berdi.
Birinji Gün tutulmasy 30-njy aprelde bolar. Ýöne bu hadysanyň ähli fazasy Antarktiada, Günorta Amerikada we Ýuwaş umman akwatoriýasynda bolup geçer.
Ikinji tutulma doly Aý tutulmasy bolup, 16-njy maýda bolar. Ony Amerikanyň (Demirgazyk Amerikanyň günorta we gündogar böleginde), Afrikanyň we Günbatar Ýewropa ýurtlarynyň ýaşaýjylary görüp bilerler.
Üçünji tutulma Gün tutulmasy bolup, bu hadysa 25-nji oktýabrda bolup geçer. Tutulma Günüň ýaşmazyndan biraz wagt öň bolar. Gün tutulmasy Gazagystanyň ähli territoriýasynda görner. “Tutulmanyň ähli fazasynyň umumy dowamlylygy dört sagada ýeter” – diýip, Andreý Solodownik aýtdy.
Dördünji tutulma doly Aý tutulmasy bolar we ol 8-nji noýabrda bolup geçer.
