UFC-niň ýarym orta agramly söweşijileri Hamzat Çimaýew bilen Gilbert Býornsiň arasyndaky söweşiň senesi belli boldy. Söweş 9-njy aprelde UFC 273 turnirinde geçiriler we onda Aleks Wolkanowski bilen koreýaly Zombiniň hem-de Pýotr Ýan bilen Aljameýn Sterlingiň arasyndaky söweşler turniriň esasy söweşleri bolar. Bu barada sports.ru habar berýär.
UFC Çimaýew bilen Býornsiň arasyndaky söweşi 7-nji maýda Braziliýada UFC 274 turnirinde geçirmegi meýilleşdirdi, ýöne ýurda girmek üçin karantin düzgünleriniň üýtgedilmegi sebäpli söweşi ABŞ-a geçirmeli boldy. Indi UFC söweşi 9-njy aprelde geçirmek isleýär. Söweş Çimaýew ABŞ-a wizany almaga ýetişen ýagdaýynda tassyklanylar.
Çimaýewiň hasabynda MMA düzgünleri boýunça on söweşde on ýeňiş bar. 27 ýaşly Çimaýew oktýabrda UFC 267 turnirinde sambişn arkaly Li Szinlýany ýeňdi.
Býornsiň hasabynda 20 ýeňiş we dört ýeňliş bar. 35 ýaşly Býorns iýulda emin agzalarynyň biragyzdan karar bermegi bilen Stiwen Tompsony ýeňdi.
