Afrikanyň Kubogynyň 1/8 final tapgyrynda Kamerun bilen Komor adalarynyň milli ýygyndylarynyň arasyndaky duşuşygynyň öň ýanynda stadionyň golaýynda basgy emele geldi, netijede azyndan ýedi adam aradan çykdy. Bu barada Sports.ru LSI Africa salgylanyp habar berýär.
Gorag gullugy stadiona girmek islän janköýerleriň köplügini saklap bilmedi. Dykyn netijesinde käbir adamlar ýykyldy, beýlekileri olaryň üstünden basalady.
Associated Press-iň žurnalisti Rob Harris azyndan 6 adamyň aradan çykandygyny habar berýär.
Milli ýygyndylaryň arasyndaky duşuşyk kamerunlylaryň peýdasyna 2:1 hasabynda tamamlandy. Koronawirus ýaýrawy hem-de şikes sebäpli Komor adalarynyň düzüminde üç derwezebanyň üçüsi hem çykyş edip bilmändi, şonuň üçin derwezäni goragçylaryň biri — Şaker Al-Hadur goramaly boldy.
Al-Hadur duşuşygyň dowamynda derwezä depilen 6 urgynyň 4-sini yzyna gaýtardy.
Şol bir wagtda Komor adalarynyň oýunçylary on bolup oýnadylar. 7-nji minutda milli ýygyndynyň kapitany Najim Abdu garşydaşynyň aýagyna basyp, gyzyl duýduryş aldy.
