Norwegiýanyň paýtagty Osloda 23-nji ýanwarda «Taliban» hereketiniň wekilleri bilen Owganystanyň ilatyna ynsanperwer kömegi bermek boýunça gepleşikler başlandy. Bu barada Associated Press agentligine salgylanyp, Interfax habar berýär.
Owganystanyň wekiliýetine daşary işler ministri Amir Han Muttaki ýolbaşçylyk edýär. Gepleşikler Oslonyň myhmanhanalarynyň birinde, ýapyk tertipde geçirilýär.
Gepleşiklerden öň, «Talibanlaryň» wekiliýeti şular ýaly gepleşikleri gurandygy üçin Norwegiýa minnetdarlyk bildirip, bu duşuşygyň «Ýewropa bilen oňyn gatnaşyklar üçin badalga» bolmagyna umyt bildirip, audioýazgy ýazdylar.
Gepleşikler üç günläp dowam eder.
«Taliban» üçin Ýewropa bu sapar ilkinji gezekdi. Ondan öň, wekiliýetiň resmi agzalary Katarda, Eýranda, Pakistanda Hytaýda, Russiýada we Türkmenistanda gepleşikleri geçirdiler.
