UFC-niň ýolbaşçysy Dana Uaýt garyşyk söweş sungatynyň tutuş taryhynda iň gowy üç söweşijini saýlady. Bu barada ozalky amerikaly söweşiji BJ Penn-iň sözlerine salgylanyp, vprognoze.ru habar berdi.
Uaýtyň saýlamagy boýunça garyşyk söweş sungatynyň iň güýçli üç söweşijisi diýlip, braziliýaly Anderson Silwa, kanadaly Žorž Sen-Pýer we amerikaly Jon Jons yglan edildi. Anderson Silwa orta agram derejesinde UFC-niň ozalky çempiony bolup, ol çempionlyk titulyny 10 gezek üstünlikli goramagy başarypdy. Žorž Sen-Pýer orta we ýarym orta agram derejelerinde UFC-niň çempionlyk guşaklaryny eýeläpdi, Jon Jons bolsa agyr agramda UFC-niň çempiony bolupdy.
Bellemeli zat, Uaýtyň pikiriçe, Habib Nurmagomedow bu babatda ilkinji üçlüge girmedi, ýogsa 33 ýaşyndaky rus söweşijisi karýerasynda ähli söweşlerde (jemi 29 gezek) ýeňiş gazanypdy. Ol ýeňil agram derejesinde 3 gezek UFC-niň çempionlyk titulyny üstünlikli gorady.
