Internetde dünýä boýunça ilkinji kosmosdaky kinostudiýanyň ýakyn wagtda açylyp bilinjekdigi baradaky maglumatlar peýda boldy. Bu barada Variety neşirine salgylanyp, ferra.ru habar berdi.
Ýakynda “Space Entertainment Enterprise” (SEE) kompaniýasynyň Halkara kosmos stansiýasynda goşmaça modul gurmaga hyýallanýandygy mälim boldy. Bu modulda sport meýdançasy we kinostudiýa ýerleşer. Taslamanyň 2024-nji ýyla çenli tamamlanmagyna garaşylýar.
Bar bolan maglumatlara görä, SEE-1 moduly filmleri we teleýaýlym görkezişlerini öndürmäge mümkinçilik berer. Mundan başga-da, onda aýdym-saz we sport çärelerini geçirmek mümkin bolar. Munuň özi hudožniklere, prodýuserlere we beýleki döredijilik adamlaryna modulda mikrograwitasiýa şertlerinde kontent döretmegine mümkinçilik döreder diýlip garaşylýar. Şeýle hem, modulda bolup geçýän zatlaryň hemmesini göni ýaýlymda alyp görkezip bolýar.
