Ýewropa Bileleşigi Owganystanda hemişelik hereket etmegini resmi taýdan gaýtadan dikeldip, Kabuldaky wekilhanasyny açdy. Bu barada 1TV owgan teleýaýlymy Owganystanyň DIM-niň metbugat kätibi Abdula Kahara Balhiniň sözlerine salgylanyp habar berýär.
18-nji ýanwarda ÝB Owganystanyň ilatynyň durmuş taýdan zerurlyklary üçin 268,3 mln ýewro möçberlik taslamalary işe girizendigini yglan etdi. Şol bir wagtyň özünde serişdeler ýurduň häkimiýetlerine däl-de, ýurduň ilaty bilen gönüden-göni iş alyp barýan BMG-niň edaralarynyň üsti bilen ýetirilýär.
2021-nji ýylyň awgustynda «Taliban» hereketiniň häkimiýete geçmegi bilen Owganystanda köp sanly daşary ýurt wekilhanalary ýapyldy.
