Dünýäniň ikinji raketkasy russiýaly Daniil Medwedew ATP Cup toparlaýyn ýaryşynda ýeňişleriniň sany boýunça birinji orna çykdy. Bu barada championat.com habar berýär.
US Open-iň häzirki çempionynyň hasabynda 15 ýeňişli oýun bar, şolardan 11-si ýekelikde. Onuň ýakyn bäsdeşi ispaniýaly Pablo Karrenýo-Bustada bu görkeziji 12-ä (6) deň. Belläp geçsek, dünýäniň ilkinji raketkasy serbiýaly Nowak Jokowiç reýtingde dördünji orny eýeleýär, onuň hasabynda 11 ýeňiş bar, olardan 8-si ýekelikde gazanyldy.
Ýeňiş sany boýunça ATP Cup-yň liderleri:
- Medwedew (Russiýa) – jemi 15 – 11-si ýekelikde (2020-2022);
- Pablo Karrenýo-Busta (Ispaniýa) – 12-6 (2020-2022);
- Roberto Bautista-Agut (Ispaniýa) – 11-11 (2020-2022);
- Nowak Jokowiç (Serbiýa) – 11-8 (2020-2021);
- Daniel Ewans (Beýik Britaniýa) – 8-6 (2020, 2022);
- Denis Şapowalow (Kanada) – 8-4 (2020-2022);
- Ýan-Lennard Ştruff (Germaniýa) – 7-5 (2020-2022);
- Ože-Alýassim (Kanada) – 7-3 (2020, 2022).
