Amazon özüniň sport bazaryndaky gerimini giňeldýär. Ýakynda onuň Ispaniýanyň iň güýçli futbol çempionaty bolan LaLiga bilen şertnama baglaşandygy mälim boldy. Bu barada www.malls.ru habar berdi.
Gol çekilen şertnama laýyklykda, internet dükanynda Ispaniýanyň on üç klubynyň önümleri hödürlener. Ýöne Ýewropa futbolynyň ägirtleri hasaplanýan "Barselona", Madridiň "Realy" we "Atletiko" ýaly käbir beýleki klublar bilen heniz ylalaşyk gazanylmady.
"Primera-nyň we Segunda-nyň klublaryna ligany dünýä janköýerleri bilen has ýakynlaşdyrmak üçin ähli gurallary hödürlemek La Liga üçin juda möhümdir" - diýip, LaLiga-nyň baş direktory Oskar Meýo aýtdy.
Amazon, öz gezeginde, bu şertnamanyň LaLiga halkara derejedäki gatnaşyklaryny giňeltmäge we ýerleşýän ýerine garamazdan, janköýerleri Ispaniýanyň klublaryna ýakynlaşdyrmaga mümkinçilik berjekdigini aýtdy. Häzirki wagtda dükanda hödürlenýän harytlaryň görnüşi takmynan 1,6 müň dürli önümi öz içine alýar.
