2022-nji ýylda dünýä ykdysadyýetiniň möçberi ilkinji gezek 100 trln dollardan geçer. Bu barada Britaniýanyň Ykdysady we biznes meseleleriniň gözleg merkeziniň (CEBR) hasabatynda aýdylýar diýip, Reýter ýazýar.
Day.Az-yň ýetirmegine görä, CEBR 2030-njy ýylda dollar ekwiwalentinde Hytaýyň dünýäniň öňdebaryjy ykdysadyýetine öwrüljekdigini çaklaýar. Bu dünýä ykdysadyýetleriniň geçen ýylky reýtinginde garaşylyşyndan iki ýyl soňdur.
Mundan başga-da, Hindistan indiki ýyl Fransiýadan, soňra 2023-nji ýylda Beýik Britaniýadan öňe geçip, dünýäniň iň uly ykdysadyýetleriniň sanawynda altynjy orna gaýdyp geler.
“2020-nji ýyllar üçin esasy mesele dünýä ykdysadyýetleriniň häzir ABŞ-da 6,8%-e ýeten inflýasiýadan nähili baş çykaryp bilýänligidir” – diýip, CEBR-iň başlygynyň orunbasary Duglas MakUilýams aýtdy.
Onuň aýtmagyna görä, eger ýagdaýy gözegçilik astyna almak başartmasa, onda dünýä 2023-nji ýa-da 2024-nji ýylda çökgünlige taýýar bolmaly.
Hasabata görä, Germaniýa 2033-nji ýylda ykdysady derejesi boýunça Ýaponiýanyň yzyndan ýetmäge çalyşýar. Russiýa 2036-njy ýyla çenli dünýäniň iň gowy ykdysadyýetleriniň onlugyna girip biler, Indoneziýa bolsa 2034-nji ýylda dokuzynjy orny eýelemegi maksat edinýär.
