MHL-iň oýunçylary Pekinde geçiriljek Olimpiada gatnaşmazlar

  • 24.12.2021 07:39
  • 4651
MHL-iň oýunçylary Pekinde geçiriljek Olimpiada gatnaşmazlar

Milli hokkeý ligasynyň (MHL) oýunçylary 2022-nji ýylda Pekinde geçiriljek Olimpiýa oýunlaryna gatnaşmaz diýip, MHL-iň metbugat gullugy habar berýär. Muny Day.Az ýetirýär. 

21-nji dekabrda MHL-iň 130-dan gowrak oýunçysynyň kowid-teswirnamasyndadygyny göz öňünde tutýan hasabat neşir edildi. Liga birnäçe klublaryň oýunlaryny näbelli möhlet bilen yza süýşürdi.

“Milli hokkeý ligasy MHL-iň oýunçylarynyň öz ýurdunyň wekili bolup, iň gowy ýaryşlara gatnaşmak isleglerine hormat goýýar we buýsanýar. Şoňa görä-de, biz oýunçylarymyza 2022-nji ýylda geçiriljek gyşky Olimpiýa oýunlaryna gatnaşmaga mümkinçilik berýän ähli wariantlary öwrenip, bu karara mümkin boldugyndan uzak garaşdyk” – diýip, MHL-iň komissary Geri Bettmen aýtdy.

2020-nji ýylyň 11-nji iýulynda MHL oýunçylaryň professional birleşigi bilen toparlaýyn şertnama baglaşdy, onda ligada çykyş edýän hokkeýçileriň Halkara Olimpiýa komiteti (HOK) we Halkara hokkeý federasiýasy (IIHF) bilen ylalaşyk gazanylan ýagdaýynda 2022-nji we 2026-njy ýyllardaky Olimpiada gatnaşjakdygy aýdylýar.
Phýonçhanda geçirilen mundan öňki gyşky Olimpiada MHL-iň oýunçylarynyň gatnaşmazlygynda geçirildi. Şonda HOK, IIHF hem-de MHL ylalaşyp bilmedi we liga olimpiýa ýaryşy wagtynda yzygiderli çempionatyň arasyny kesmekden ýüz öwürdi. Olimpiýa hokkeý ýaryşy MHL-iň oýunçylarynyň gatnaşmagynda 1998-nji ýyldan 2014-nji ýyla çenli geçirildi.
Pekindäki Olimpiada 4 – 20-nji fewralda geçiriler, erkekleriň hokkeý ýaryşy 9-njy fewralda başlar.


16.11.2022 14:00
3340

Frigiýa şyrdaklary Pariždäki Olimpiadanyň we Paralimpiadanyň tumarlary boldy

2024-nji ýylda Parižde geçiriljek tomusky Olimpiýa oýunlarynyň guramaçylyk komiteti Olimpiadanyň we Paralimpiadanyň resmi tumarlaryny görkezdi. Halkara Olimpiýa Komitetiniň (HOK) saýtynda habar berlişi ýaly, ýaryşlaryň...

22.10.2022 15:56
4750

Pekindäki gyşky Olimpiýa oýunlaryna iki milliarddan gowrak adam tomaşa etdi

Pekinde geçirilen gyşky Olimpiýa oýunlaryna iki milliarddan gowrak adam tomaşa etdi diýip, Halkara Olimpiýa Komitetiniň (HOK) metbugat gullugy habar berýär. Guramanyň hasabatyna laýyklykda, bu 2018-nji ýylda Günorta...

26.09.2022 14:46
4659

Müsür 2036-njy ýyldaky Olimpiadany geçirmek üçin ýurdunyň dalaşgärligini öňe sürer

Müsüriň prezidenti Abdel Fattah as-Sisi Müsür Arap Respublikasyny 2036-njy ýyldaky tomusky Olimpiýa oýunlaryny geçirmek üçin dalaşgär hökmünde görkezmek teklibini makullady. Bu barada Müsüriň Ýaşlar we sport ministri...

26.07.2022 13:24
5687

2024-nji ýylda Parižde geçiriljek Olimpiýa oýunlarynyň şygary belli boldy

2024-nji ýylda Parižde geçiriljek tomusky Olimpiýa oýunlarynyň şygary “Geliň, Oýunlary giňden açalyň” bolar. Bu barada Olimpiadanyň guramaçylyk komitetiniň metbugat gullugy habar berdi diýip, TASS belleýär. Şeýle...