Öň koronawirusa garşy sanjym taýýarlan Oksford uniwerstiteti bilen britan-şwed kompaniýasy AstraZeneca omikron ştammy bilen göreşmek üçin niýetlenen derman serişdesini döretmäge girişdi. Bu barada TASS habar berýär.
“Biz Oksford uniwersiteti bilen bilelikde ätiýaç üçin omikrona garşy sanjym görnüşini öndürmek ýolunda deslapky ädimleri ätdik” – diýip, “Financial Times” AstraZeneca-nyň beýannamasyny getirýär.
Oksforddaky gözleg toparynyň ýolbaşçysy Sendi Duglasyň aýtmagyna görä, adenowirusa esaslanýan sanjymlar (mysal üçin, Oksford uniwersiteti we AstraZeneca tarapyndan öndürilýän) öň göz öňünde tutulandan islendik täze ştamma çalt täsir etmek üçin ulanylyp bilner.
Gözlegçiler zerur bolan ýagdaýynda 100 günüň dowamynda sanjym modifikasiýasyny taýýarlap biljekdiklerini çaklaýarlar.
Öň Ýewropanyň derman serişdeleri agentliginiň ýolbaşçysy Emer Kukuň gazete gürrüň bermegine görä, omikron ştammyň peýda bolmagy bilen koronawirusa garşy bar bolan sanjymlaryň täsirliligi peseldi. Şeýle-de bolsa, “omikrona” garşy sanjymlaryň gerekdigi ýa-da ýokdugy barada netije bar bolan sanjymlaryň täsir etmeýändigine ýeterlik ylmy subutnamalar bolan halatynda kabul ediler.
