«Mançester Ýunaýtediň» hüjümçisi Edinson Kawani ýakyn wagtda “Barselonanyň” oýunçysy bolar. Ispan topary futbolçy bilen 1,5 ýyllyk şertnama baglaşmak barada eýýäm ylalaşdy. Bu barada Sport.es habar berýär diýip, www.championat.com belleýär.
34 ýaşly Kawani ýanwar aýynyň başynda “Barselona” bilen şertnama baglaşmaly. Häzirki wagtda urugwaýly oýunçy häzirki kluby bilen şertnamanyň ýatyrylmagyna garaşýar. “Barselona” beýleki hüjümçileri hem gözden geçirdi, ýöne Kawanini saýlamak kararyna geldi. Bu urugwaýly oýunçynyň geçmäge gyzyklanma bildirýändigi, şeýle-de onuň “Barselonanyň” Ispaniýanyň çempionatynda bar bolan aýlyk hakynyň çäginden çykmazlygy üçin ilkinji ýarym ýylda aýlyk hakynyň peseldilmegine razy bolmagy bilen baglanyşyklydyr.
Kawani 2020-nji ýylyň güýzünde “Mançester Ýunaýtediň” oýunçysy boldy. Häzirki möwsümde ol APL-iň bäş oýnunda bir gol bilen tapawutlandy. Kawaniniň şertnamasynyň möhleti şu möwsümiň ahyrynda tamamlanýar.
