Similar Web analitika kompaniýasy iň meşhur bildirişler saýtlarynyň täze dünýä reýtingini çap etdi. Bu barada kompaniýa salgylanyp, ferra.ru habar berdi.
Reýtingde, garaşylmadyk ýagdaýda, Avito bildirişler saýty birinji orny eýeledi. Jemlenen statistiki maglumatlara görä, noýabr aýynda Avito saýtyna 279,6 million ulanyjy, ortaça, 11 minutlyk girip gördi. Bu döwürde ulanyjylar, ortaça, 11,72 sany bildirişli sahypany açmaga ýetişdiler. Bularyň bary jemlenip, Avito-ny özi ýaly saýtlaryň arasynda iň meşhuryna öwürdi.
Deňeşdirmek üçin bellesek, reýtingiň öňki lideri Amerikanyň Craiglist kompaniýasy noýabr aýynda 276,92 million adamy hasaba aldy. Olar saýtda, ortaça, 8 minut eglendiler we şol wagtyň dowamynda 10,19 sahypa girip ýetişdiler.
