Berkarar döwletimiziň Garaşsyzlygyny we özygtyýarlylygyny berkitmekde, ýurdumyzyň ykdysadyýetini we medeniýetini ösdürmekde bitiren uly hyzmatlaryny göz öňünde tutup, şeýle hem Türkmenistanyň Garaşsyzlygynyň 30 ýyllyk şanly baýramy we Halkara Bitaraplyk güni mynasybetli, Türkmenistanyň Prezidenti degişli resminamalara gol çekdi.
Türkmen Lideriniň degişli Permanlaryna hem-de Kararyna laýyklykda, ýurdumyzyň ýolbaşçy düzüminiň käbir wekilleri, hususy kärhanalaryň ýolbaşçylary hem-de beýleki raýatlarymyz «Türkmenistanyň Garaşsyzlygynyň 30 ýyllygyna», «Watana bolan söýgüsi üçin» medallary bilen sylaglanyldy. Olaryň käbirlerine Türkmenistanyň Garaşsyzlygynyň 30 ýyllyk şanly baýramy mynasybetli çykarylan ýadygärlik nyşany berildi.
