“Barselonanyň” hem-de Ispaniýanyň milli ýygyndysynyň ýarymgoragçysy Pedri France Football neşiri tarapyndan ýylyň iň gowy ýaş oýunçysy diýlip saýlandy. Bu barada championat.com habar berdi.
19 ýaşly oýunça Parižde geçirilen dabarada Raýmon Copa baýragy gowşuryldy.
Bu baýraga Meýson Grinwud ("Mançester Ýunaýted", 20), Jamal Musiala ("Bawariýa", 18), Jud Bellingem (Dortmundyň "Borussiýasy", 18) we Nuno Mendeş ("PSŽ", 19) dagylar hem dalaş etdiler.
Geçen möwsümde Pedri La Ligada "Barselona" üçin 37 oýunda 3 gol geçirdi we 3 asist pasyny berdi. Tomusda ýaş ýarymgoragçy Ispaniýanyň milli ýygyndysy bilen bilelikde Ýewropa çempionatynyň ýarym finalyna çykdy, soň bolsa Olimpiýa ýygyndy toparynyň düzüminde Tokiodaky oýunlarda kümüş medal aldy.
