Rolls-Royce elektrikli uçary tizlik boýunça rekord goýdy

  • 21.11.2021 22:54
  • 9.3k+
Rolls-Royce elektrikli uçary tizlik boýunça rekord goýdy

Rolls-Royce özüniň Spirit of Innovation elektrikli uçarynyň täze synaglarynyň netijelerini çap etdi. Enjam sagatda 623 km tizlige ýetmegi başardy, bu bolsa modeli dünýädäki iň çalt elektrikli uçara öwürdi. Muny CNBC-e salgylanyp, ferra.ru habar berdi.

Şol bir wagtyň özünde kompaniýanyň wekilleri birbada üç sany rekord goýmak isleýändiklerini aýdypdylar: 3 kilometr aralykda sagatda 555,9 kilometr tizlige çenli bat almak, 15 kilometr aralykda sagatda 532,1 kilometr tizlige ýetmek we 202 sekuntda 3000 metr beýiklige çykmak.

Soňky maglumatlara görä, Spirit of Innovation 400 kilowatlyk elektrikli hereketlendiriji ulgamy bilen işleýär. Uçaryň tapawutly aýratynlygy onuň "aerokosmiki pudakda döredilen iň köp energiýa sygymly batareýa toplumy" bolup durýar.

Ýatlap geçsek, Rolls-Royce elektrikli uçarynyň ilkinji synag uçuşy ýakynda - 2021-nji ýylyň sentýabr aýynda bolupdy. Şonda uçar 15 minutlap howada uçupdy.

Fizik Braýan Koks ylmy leksiýasynyň tomaşaçylarynyň sany boýunça rekord goýdy
18.05.2025 16:46
3.8k+

Fizik Braýan Koks ylmy leksiýasynyň tomaşaçylarynyň sany boýunça rekord goýdy

Britaniýanyň ýadro fizigi, teleýaýlymyň alypbaryjysy, ylmy ýaýradyjy we professor Braýan Koks özüniň ylmy leksiýalaryna satylan petekleriň sany boýunça rekord goýdy. Onuň “Gözýetimler: XXI asyryň kosmos odisseýasy” (“Horizons: A 21st Century Space Odyssey”) atly dünýä aýlanan leksiýalaryna 2022-nji ýylyň awgustyndan 2025-nji ýylyň maý aýyna çenli 369 297 adam gatnaşdy...

Bristoldan bir talyp “Ar alyjy” roboty ýygnady. Robot Rubigiň kubigini düzmekde rekord goýdy
17.05.2025 08:33
2.7k+

Bristoldan bir talyp “Ar alyjy” roboty ýygnady. Robot Rubigiň kubigini düzmekde rekord goýdy

Bristol uniwersitetiniň talyby Mett Pidden 4x4 Rubigiň kubigini düzmek boýunça dünýä rekordyny goýan roboty ýygnady. Taslama onuň diplom işi boldy. Ozal robotlaryň arasynda rekord 1 minut 18 sekuntdy. Piddene bu görkezijini 45,305 sekunta çenli azaltmak başartdy – bu tas 33 sekunt tizdir...

Kanadaly owerkloker DDR5 ýadynyň maglumat geçiriş tizligini rekord derejä – 12 806 MT/s ýetirdi
08.05.2025 13:29
2.1k+

Kanadaly owerkloker DDR5 ýadynyň maglumat geçiriş tizligini rekord derejä – 12 806 MT/s ýetirdi

Kanadaly «saltycroissant» lakamly owerkloker DDR5 operatiw ýady üçin maglumat geçiriş tizliginde täze dünýä rekordyny goýdy – 12 806 MT/s. Ol 12 800 MT/s çäginden geçen ilkinji adam boldy. Rekord «Corsair Vengeance» modullary we «ASRock Z890 Taichi OCF» enelik platasy bilen gazanyldy...

Täze rekord: 18 sagadyň dowamynda alty raketa kosmosa ugradyldy
03.05.2025 12:05
6.3k+

Täze rekord: 18 sagadyň dowamynda alty raketa kosmosa ugradyldy

Dünýä boýunça täze rekord goýuldy – 18 sagadyň dowamynda alty dürli göteriji raketa orbita ugradyldy diýip, «Space.com» habar berýär. Ilkinji uçuş Hytaýda boldy: 29-njy aprelde gijesine Haýnan adasyndaky Wençan kosmodromyndan «Long March 5B» raketasy Guowang hemra ulgamy üçin niýetlenen hemralary orbita çykardy...