Özbegistanyň ikinji gezek prezidenti saýlanylan Şawkat Mirziýoýew şenbe güni wezipesine girişdi. Bu barada Senatyň (parlamentiň ýokarky palatasy) metbugat gullugyna salgylanyp, TASS habar berýär.
“Şawkat Mirziýoýew 24-nji oktýabrda geçirilen nobatdaky prezident saýlawlarynyň dowamynda 80,12% ses aldy we kanuna laýyklykda, şu gün (6-njy noýabr) Özbegistanyň baştutany wezipesine girişýär” – diýip, metbugat gullugynyň wekili Mirziýoýewa prezident şahadatnamasyny gowşuran Merkezi saýlaw komissiýasynyň başlygy Zaýniddin Nizamhojaýewiň sözlerini getirýär. Soňra Mirziýoýew Konstitusiýa we Gurhana elini goýup, Özbegistanyň halkyna wepalylyk kasamyny aýtdy.
Kasam kabul edenden soň wezipä girişen Mirziýoýewa şu ýylyň oktýabr aýynda esaslandyrylan prezident häkimiýetiniň tapawutly nyşanlary – döşe dakylýan nyşan we ştandart gowşuryldy.
