Google “Android” mobil operasiýa ulgamynyň täze wersiýasyny tanyşdyrdy. Bu barada ýekşenbe güni iz.ru habar berdi.
Kompaniýa ulgamy belli bir ulanyjynyň isleglerine laýyklykda özleşdirmäge esaslanýan “Material You” dizaýn-konsepsiýasyna geçmek kararyna geldi. Mundan başga-da, döredijiler interfeýs elementlerini has-da gowulandyrdylar.
Täze operasiýa ulgamyn ýeke-täk reňk giňişligine eýe. Şeýlelik bilen, baş ekranyň fon suraty üýtgedilende, “Android 12” tutuş şol suratyň reňk gammasyna görä awtomatik ýagdaýda sazlaşdyrar. Şol bir wagtyň özünde, programma öwüşginleri hem tapawutlandyryp bilýär diýip, RIA Nowosti ýazýar.
Mundan başga-da, döredijiler has köp maglumat ýerleşdirilmegi üçin ýatlatmalar panelindäki ozalky nyşanlary ulaltmak kararyna geldiler.
30-njy awgustda "Kasperskiý laboratoriýasynyň" mobil howplar boýunça baş gözlegçisi Wiktor Çebyşew “Izvestia” bilen bolan söhbetdeşlikde mobil maliýe howplarynyň hemmesiniň diýen ýaly - ýagny, 99,9 göteriminiň “Android” operasiýa ulgamyna gönükdirilendigini aýtdy. Onuň sözlerine görä, bu esasan “Android”-iň diňe Google Play-den däl-de, näbelli çeşmelerden hem smartfonlara programmalary gurnamaga mümkinçilik berýändigi bilen baglanyşykly.
