“Mançester Ýunaýtediň” portugaliýaly hüjümçisi Kriştianu Ronaldu sentýabr aýynda toparyň iň gowy oýunçysy boldy diýlip, klubuň resmi saýtynda habar berilýär. Muny championat.com ýetirýär.
Ronaldu sentýabr aýynda “MÝ” üçin bäş oýna gatnaşdy we bäş gol girizdi.
Ýatlap geçsek, Kriştianu Ronaldu Turiniň “Ýuwentusyndan” gidip, 27-nji awgustda “Mançester Ýunaýtediň” oýunçysy boldy. Ronaldunyň klub bilen şertnamasy ýene bir ýyl uzaltmak mümkinçiligi bilen 2023-nji ýylyň iýun aýyna çenli niýetlenýär.
Kriştianu 2003 – 2009-njy ýyllarda hem “Mançester Ýunaýted” üçin oýnapdy. Ol “Ýuwentusda” 2018-nji ýyldan çykyş edip başlady. 2009-njy ýyldan 2018-nji ýyl aralygynda ol Madridiň “Realynda” oýnady.
Angliýanyň Premýer-ligasynda alty tapgyrdan soň “Mançester Ýunaýted” 13 utuk bilen turnir jedwelinde 4-nji orunda ýerleşýär.
