Stock Apps-iň hünärmenleri tutuş Ýer ýüzünde näçe sany adamda öýjükli jübi telefonynyň bardygyny anykladylar. Şeýlelik bilen, 2021-nji ýylyň tomsunda dünýä ilatynyň, takmynan, 66,9%-iniň ýa-da 5 milliarddan gowrak adamyň smartfon ulanýandygy belli boldy. Bu barada pcnews.ru habar berdi.
Muňa garamazdan, geçen ýylyň degişli döwründe smartfon eýeleriniň umumy sany häzirkisinden 117 million adam azdy. Bu 117 million adamyň hemmesiniň Ýer ýüzüne deň düşmeýändigini bellemek gerek. Mysal üçin, Ýewropada ilatyň 86% töweregi smartfon ulanýan bolsa, Günorta Afrika ýurtlarynda olaryň sany 50%-den hem az.
Mundan başga-da, häzirki wagtda Ýewropa bazarynyň smartfonlar bilen 100% töweregi üpjündigi bellenildi. Şeýlelik bilen, çaklamalara görä, 2025-nji ýyla çenli sebitiň ýaşaýjylarynyň 87%-inde smartfon bolar. Bu bolsa häzirki görkezijiden 1% köpdür.
