Hytaý ýanwar – awgust aýlarynda 346,36 mln tonna nebit import etdi, bu geçen ýylyň degişli döwri bilen deňeşdirilende, ýyllyk hasabynda 5,7% azdyr. HHR-iň Döwlet statistika edarasynyň hasabatynda aýdylyşyna görä, daşary ýurtlardan tebigy gazy satyn almagyň möçberi 22,2% ýokarlanyp, 79,31 mln tonna ýetdi. Bu barada eadaily.com habar berýär.
Resminamada bellenilişi ýaly, diňe awgust aýynda Hytaý beýleki ýurtlardan 44,53 mln tonna nebit (ýyllyk hasabynda 6,2% pese gaçyş) we 10,44 mln tonna gaz (11,5% ýokarlanma) satyn aldy.
Hytaý kompaniýalarynyň nebit öndürijiliginiň möçberi sekiz aýyň dowamynda 2,4% ýokarlanyp, 133,22 mln tonna boldy. Milli nebiti gaýtadan işleýän zawodlarda nebitiň gaýtadan işlenilişi 7,4% ýokarlanyp, 470,79 mln tonna ýetdi.
Ýanwar – awgust aýlarynda HHR-iň energetika kompaniýalary 136,1 mlrd kub metr gaz öndürdiler (ösüş 10,8%). Diňe geçen aýda ösüşiň barşy ýyllyk hasabynda 11,3% (15,9 mlrd kub metr) boldy. Görkeziji 2019-njy ýylyň awgust aýyna garanda, 15,5% ýokary boldy.
