Daniil Medwedew Nowak Jokowiçi ýeňip, US Open-iň ýeňijisi boldy

  • 13.09.2021 07:47
  • 5.3k+

Russiýaly Daniil Medwedew ABŞ-nyň tennis boýunça Açyk çempionatynyň finalynda serbiýaly Nowak Jokowiçi utdy. Duşuşyk 25 ýaşly russiýaly türgeniň peýdasyna 6:4, 6:4, 6:4 hasabynda tamamlandy.

Medwedew Professional tennisçileriň assosiasiýasynyň (ATP) reýtinginde ikinji orny eýeleýär. Ol “Uly tuwulga” ýaryşynyň finalynda üçünji gezek oýnady we ilkinji gezek ýeňiş gazandy. 2019-njy ýylda Medwedew US Open-iň finalynda ispaniýaly Rafael Nadaldan, şu ýylyň fewral aýynda Awstraliýanyň Açyk çempionatynyň finalynda Jokowiçden utuldy.

Dünýäniň ilkinji raketkasy Jokowiç 2021-nji ýylda mundan öň geçirilen “Uly tuwulga” ýaryşlarynyň üçüsinde-de ýeňiji boldy. US Open-de ýeňiş gazanan ýagdaýynda, ol tennis taryhynda bir möwsümde erkekleriň arasynda ýekelikde geçirilen dört  “Uly tuwulga” ýaryşynyň ählisinde utan üçünji türgen bolup bilerdi.

Medwedew 16 ýyldan soň “Uly tuwulga” ýaryşynda ýeňiş gazanan ilkinji russiýaly türgen boldy. 2005-nji ýylda Awstraliýanyň Açyk çempionatynda Marat Safin utdy. Safin 2000-nji ýylda US Open-de hem ýeňiji boldy.


14.07.2025 07:36
2.5k+

Ýannik Sinner Alkarasy utup, ilkinji gezek “Uimbldonyň” ýeňijisi boldy

Italiýaly tennisçi Ýannik Sinner ispaniýaly Karlos Alkarasy utup, karýerasynda ilkinji gezek “Uimbldon” ýaryşynyň ýeňijisi boldy. Duşuşyk dünýäniň birinji raketkasynyň peýdasyna 4:6, 6:4, 6:4, 6:4 hasabynda tamamlandy...

13.07.2025 11:55
5.6k+

6:0, 6:0 – “Uimbldonda” zenanlaryň finaly 1911-nji ýyldan bäri ilkinji gezek gury ýeňliş bilen tamamlandy

Polşaly tennisçi Iga Swýontek “Uimbldonyň” zenanlaryň arasyndaky finalynyň taryhynda iň uly ýeňişleriň birini gazandy. Dünýäniň dördünji raketkasy ýaryşda amerikaly Amanda Anisimowany (№ 12 WTA) 6:0, 6:0 hasabynda utdy...

13.07.2025 11:51
3.5k+

Britaniýalylar 89 ýyldan soň ilkinji gezek “Uimbldonda” erkekleriň jübüt ýaryşynda ýeňiji boldy

Julian Keş we Lloýd Glasspul iki türgenden ybarat toparlaryň arasynda geçirilen “Uimbldonyň” çempionlary bolup, bu kategoriýada Beýik Britaniýa 1936-njy ýyldan bäri ilkinji ýeňşi getirdi. Finalda olar awstraliýaly Rinki Hidzikata bilen gollandly Dawid Peli utdy – 6:2, 7:6 (7:3)...

12.07.2025 12:17
2.5k+

“Uimbldonyň” finalynda Alkaras bilen Sinner oýnar. Jokowiç soňky 8 ýylda ilkinji gezek finala çykmady

Ispaniýaly Karlos Alkaras bilen italiýaly Ýannik Sinner “Uimbldonyň” finalynda duşuşar. Ozal “Rolan Garrosyň” hem aýgytly oýnunda şeýle bolupdy. Alkaras üçin bu ýaryşyň yzygider üçünji finaly, Sinner üçin bolsa “Uimbldonyň” otly kortunda karýerasynda ilkinji bolar...