"Check Point Research-iň" barlagçylary 2021-nji ýylyň iýul aýynda has işjeň bolan kompýuter howplary barada täze hasabat ýaýratdylar. Bu barada pcnews.ru habar berdi.
Hünärmenler Snake Keylogger modul keýloggeriniň ilkinji gezek dünýä reýtingine girizilendigini aýtdylar. Has takygy, ol täzelenen reýtingde ikinji orny eýeledi.
Bu keýlogger şahsy maglumatlary ogurlamakda giňden ulanylýar. Ol ulanyjylaryň düwmelere basyşyny enjamlara ýazdyryp alýar we ýygnan maglumatlaryny jenaýatçylara geçirýär. Häzir Snake wirusy fişing hatlary arkaly giňden ýaýrandyr. Hünärmenler Snake Keylogger-iň maglumatlaryň islendik görnüşlerini diýen ýaly ogurlap bilýändigini anykladylar. Üstesine-de, ony ýüze çykarmagyň kyndygy bellenilýär.
Umuman aýdanyňda, 2021-nji ýylyň iýulynda iň işjeň 3 zyýanly programma üpjünçiligi şulardan ybarat:
- Qbot bank troýany;
- maýner XMRig;
- Trickbot bank troýany.
