«PSŽ-niň» täze oýunçysy Lionel Messi salgytlary töländen soň täze toparda ýylda 41 mln ýewro gazanar diýip, “Le Parisien” gazeti habar berýär. Muny sport-express.ru ýetirýär.
Şeýlelik bilen, argentinaly futbolçy Fransiýanyň çempionatynyň taryhynda iň ýokary hak alýan oýunçy bolar. Girdejisiniň derejesi boýunça ol möwsüm üçin 37 mln ýewro töweregi gazanýan klubdaşy Neýmardan öňe geçdi.
Şeýle-de, neşir eger mümkin bolan ähli bonuslary göz öňünde tutsaň, pariž klubunda hüjümçiniň iki ýylda bir ýüz ýigrimi million ýewro töweregi gazanjakdygyny belleýär.
Ýatlap geçsek, Lionel Messi pariž kluby bilen ýene bir möwsüm uzaltmak mümkinçiligi bilen iki ýyllyk şertnama baglaşdy.
