«Barselona» Lionel Messi gidenden soň toparyň kapitany boljak oýunçyny kesgitledi. Meşhur argentinaly oýunçynyň ornuny ýarymgoragçy Serhio Buskets çalşyrar.
«Barselonanyň» kapitany bolmak meniň üçin uly hormat. Menden öň Karles Puýol, Hawi we Leo ýaly ajaýyp nusgalar boldy. Pursatdan peýdalanyp, Messä klubuň üstünliklerine goşan ägirt uly goşandy üçin minnetdarlyk bildiresim gelýär. Saňa baky sagbolsun» – diýip, 2008-nji ýyldan bäri klubuň birinji toparynda çykyş edip gelýän 33 ýaşly oýunçy belleýär.
Täze möwsümde toparyň wise-kapitanlary goragçylar Žerar Pike, Serhi Roberto we Žordi Alba bolar diýip, klubuň resmi saýty habar berýär. Bu barada eurosport.ru belläp geçýär.
Ýatlap geçsek, Argentinanyň milli ýygyndysynyň kapitany we «Altyn topuň» alty gezek eýesi Messi katalon klubundaky 17 ýyl professional karýerasyndan soň «Barselonany» terk etdi.
Serhio Buskets – «gök-gyzyllaryň» ýetişdiren oýunçysy. Häzirki wagtda ispaniýaly oýunçynyň hasabynda 629 oýun we 32 baýrak bar.
