Ispaniýanyň we Hindistanyň medeni desgalary ÝUNESKO-nyň Bütindünýä mirasynyň sanawyna girizildi

  • 27.07.2021 01:58
  • 3.4k+

Birleşen Milletler Guramasynyň Bilim, ylym we medeniýet meseleleri boýunça guramasy Ispaniýadaky we Hindistandaky medeni desgalary Bütindünýä mirasynyň sanawyna goşdy. Bu karar ÝUNESKO-nyň Bütindünýä mirasynyň Komitetiniň Fuçžou şäherinde (Fujian welaýaty) geçirilýän 44-nji mejlisinde kabul edildi diýip, Trend habar berdi.

Has takygy, indi sanawa Madridiň Paseo del Prado bulwary bilen Buen Retiro seýilgähi hem girer. Madriddäki bulwarda Sibeles we Neptun ýaly uly suw çüwdürimleri, şeýle hem ÝUNESKO tarapyndan "şäheriň möhüm nyşany" hasaplanýan Sibeles meýdançasy bar. "Bu desga XVIII asyryň ösen absolýutizm döwründe şäher giňişligi we ösüşi baradaky täze ideýany özünde jemleýär" diýip, ÝUNESKO-nyň hünärmenleri belleýärler.
XVII asyra degişli Buen Retiro köşgünden galan 120 gektarlyk Buen Retiro seýilgähi Madridiň ýaşaýjylary üçin dynç alynýan ýer hasaplanýar. Onda XIX asyrdan häzirki güne çenli dürli bagçylyk usullary şöhlelenýär.
Telangana ştatynda ýerleşýän Kakatiýa-Rudreşwara ybadathanasy (Ramappa ybadathanasy) hem ÝUNESKO-nyň sanawyna girizildi. Ol Haýdarabadyň 200 kilometr demirgazyk-gündogaryndaky Palampet obasynda ýerleşýär we Şiwanyň esasy ybadathanasy hasaplanýar.


düýn 11:55
4.3k+

1609-njy ýylyň ispan altyn teňňesi auksionda rekord mukdara satyldy

1609-njy ýylda Ispaniýanyň patyşasy Filipp III üçin zikgelenen ispan altyn teňňesi Şweýsariýadaky auksionda rekord 3,49 mln dollara satyldy. Ol Ýewropada iň gymmat satylan teňňe boldy diýip, Reuters ýazýar. Onuň başlangyç bahasy 2,46 mln dollardy...

10.11.2025 06:29
6.5k+

Dünýäde iň köp okaýan ýurtlaryň reýtingi düzüldi

Dünýäniň dürli ýurtlarynda kitap okamak endigi özara ep-esli tapawutlanýar. World Population Review tarapyndan taýýarlanan reýtinge görä, häzirki wagtda okamaga iň köp wagtyny sarp edýän ýurt — ABŞ. Amerikalylar ýylyň dowamynda ortaça 357 sagat okap, bu döwürde takmynan 17 kitap tamamlaýarlar...

01.11.2025 09:39
1.2k+

Samarkantda ÝUNESKO-nyň Baş maslahatynyň 43-nji mejlisi öz işine başlady

30-njy oktýabr – 13-nji noýabr aralygynda Samarkant şäherinde Birleşen Milletler Guramasynyň Bilim, ylym we medeniýet boýunça guramasynyň (ÝUNESKO) Baş maslahatynyň nobatdaky 43-nji mejlisi geçirilýär. Mejlise Türkmenistanyň medeniýet ministri A...

29.10.2025 11:21
3.5k+

Ispaniýada Pablo Pikassonyň serginiň öňýanynda ýitip giden kartinasy tapyldy

Ispaniýanyň Milli polisiýasy Pablo Pikassonyň 1919-njy ýylda guaş bilen çekilen ýitip giden “Gitaraly natýurmort” atly eseriniň tapylandygyny habar berdi (El Pais). Kartinanyň ölçegi 12,7 x 9,8 sm. Geçen hepde eser Madridden Granada sergisine iberilmeli bolupdy, ýöne ýolunyň dowamynda ýitipdi...