Tokioda bary-ýogy iki günden badalga aljak Olimpiýa oýunlaryna gatnaşýan türkmen türgenleriniň taýýarlygy barada Türkmenistanyň ýygyndysynyň agyr atletika boýunça baş tälimçisi Artur Emirýan gürrüň berdi. Ony «МИР» teleýaýlymy paýlaşdy.
«Edil häzirki wagtda oýunlara gatnaşýan türgenleriň 5-si hem öz ugry boýunça iň ýokary derejede. Oňat bölüşilende, 3-4 medal gazanmak mümkin. Nesip bolsa, eger başartsa, bolmanda ýekeje medal alyp bolsa...» diýip, Artur Emirýan söhbetdeşligiň dowamynda aýtdy.
TmCars.info nobatdaky tomusky Olimpiýa oýunlaryna Türkmenistandan agyr atletika boýunça Kristina Şermetowanyň, Polina Gurýewanyň, Rejepbaý Rejebowyň, Öwez Öwezowyň, Hojamuhammet Toýçyýewiň gatnaşýandygyny ozal hem habar beripdi. Agyr atletika boýunça ýaryşlar 24-nji iýuldan 4-nji awgust aralygynda Tokio halkara forumynyň toplumynda geçiriler.
