Oliweýra Porýe bilen söweşiniň dekabrda boljakdygyny habar berdi

  • 20.07.2021 20:33
  • 16k+

Ýeňil agramda UFC-niň häzirki çempiony braziliýaly Çarlz Oliweýra amerikaly Dastin Porýe garşy söweşiniň guramanyň şu ýylky jemleýji sanly çäresiniň çäginde geçiriljekdigini aýtdy.

“Dastin Porýe, hormat bilen, bu hakyky uruş bolar. Dekabr aýynda biz muşdaklarymyza ajaýyp söweşi görkezeris” – diýip, Oliweýra özüniň Instagram sahypasynda ýazdy. Bu barada mma.metaratings.ru belläp geçýär.

Amerikan promouşeniniň senenamasy boýunça, guramanyň şu ýylky jemleýji çäresi UFC 269 bolar, ýöne ol heniz resmi taýdan anons edilmedi.
Oliweýra şu ýylyň maý aýynda geçirilen UFC 262 turniriniň çäginde amerikaly Maýkl Çendleri ikinji raundda tehniki nokaut bilen ýeňip, ýeňil agramda UFC-niň çempiony titulyna eýe boldy. 
Porýe soňky gezek Las-Wegasda 11-nji iýula geçilen gijede iki agram kategoriýasynda UFC-niň ozalky çempiony irlandiýaly Konor Makgregor bilen söweşdi. Bu söweşde birinji raundda tehniki nokaut bilen ýeňiş Konor Makgregor aýagyny döwdürenden soň, Dastin Porýe berildi. Bu Makgregor bilen Porýeniň arasynda üçünji söweş boldy. 
Konoryň hasabynda 22 ýeňiş we alty ýeňliş bar. Dastiniň hasabynda 28 ýeňiş bilen alty ýeňliş bar, bir söweş hem geçirilmedik diýlip kabul edildi. 


23.06.2025 13:49
9.5k+

Agyr agramda UFC-niň çempiony Jon Jons karýerasyny tamamlady. Guşak Aspinalla geçdi

Agyr agramda UFC-niň çempiony Jon Jons 37 ýaşynda karýerasyny tamamlady. Bu barada söweş guramasynyň prezidenti Dana Uaýt Azerbaýjanda metbugat maslahatynda aýtdy. Bu ýerde UFC Fight Night ýaryşy geçirildi. “Jon Jons düýn agşam jaň edip, karýerasyny tamamlaýandygyny aýtdy...

21.06.2025 02:42
20k+

Abdulla Babaýew Fight Nights-yň ýaryşynda garşydaşyny demikdiriji usul bilen ýeňdi

Garyşyk söweş sungatynyň türkmenistanly wekili Abdulla Babaýew halkara ýaryşlarynda üstünlikli çykyşlaryny dowam edýär. Bu gezek ol Ulýanowskide (Russiýa) geçirilen Fight Nights ýaryşynda russiýaly garşydaşy Habib Guseýnowdan üstün çykdy...

15.06.2025 22:33
9.7k+

38 ýaşly Kamaru Usman UFC on ESPN 69 ýaryşynda Hoakin Bakliden üstün çykdy

15-nji iýunda Atlantada (ABŞ) UFC on ESPN 69 ýaryşy geçirildi. Agşamyň esasy wakasy UFC-niň öňki çempiony nigeriýaly Kamaru Usman bilen amerikaly Hoakin Bakliniň arasynda ýarym orta agramda geçirilen söweş boldy...

08.06.2025 17:30
10k+

Merab Dwalişwili rewanşda Şon O’Mellini ýeňip, iň ýeňil agramda UFC-niň çempiony titulyny gorady

8-nji iýuna geçilen gije Nýuarkda (Nýu-Jersi, ABŞ) garyşyk başa-baş söweş boýunça UFC 316 ýaryşy geçirildi. Agşamyň esasy wakasynda iň ýeňil agramda UFC-niň çempiony Merab Dwalişwili bu diwizionda öňki çempion Şon O’Mellä garşy titul goragyny geçirdi...